AdygBusiness                                                                    English   Адыгэ   Русский   עברית   عربي   Turkçe                                  Maykop -
 

Адыгэ Республикэм къыщашIырэ пындж натрыф адыгэ щыгъу Тыркуем щащэт

Адыгэ Республикэм ихъызмэтшIапIэхэм ащыщхэм ялIыкIохэр чъэпыогъу мазэм и 26 — 30-м Тыркуем икъэлэ шъхьаIэу Стамбул щыIагъэх. Ар Адыгэ Республикэм бизнесым IэпыIэгъу егъэгъотыгъэнымкIэ и Гупчэр ары зэхищагъэр. 

ЛIыкIо купым хэтыгъэх пындж­лэжьыным пылъ хъызмэт­шIапIэу “Чэтыкъу” зыфи­Iорэр, чIыгулэжьыным пылъ фирмэу «Краснодарагроальянсыр» ыкIи адыгэ щыгъу къы­дэзгъэкIырэ хъызмэтшIапIэу Хъуажъ Аслъан зипащэр.

ЛIыкIо купым хэтхэр сатыум пылъхэм я зэхэт-купэу Стамбул щызэхащагъэм япащэхэм зэIукIэгъухэр адыряIагъэх. Пынджыр, натрыфыр ыкIи адыгэ щыгъур Тыркуем зэрэщыIуагъэкIыщтым фэгъэхьыгъэ зэзэгъыныгъэхэр зэдашIыгъэх.