AdygBusiness - business blog                                            Email: adygbusiness@gmail.com                             Maykop:
 

Ежь-ежьырэу lоф зэзгъэгъотырэ нэбгырэ мини 3,4 Адыгеим щэлажьэх

lофшlэпlэ гъэнэфагъэ lумытхэу, ау ахъщэ къигъахъэу (самозанятый) Адыгэ Республикэм исхэм хэбзэlахь анахь цlыкlур атынышъ, яlоф шъхьаихыгъэ ашlын алъэкlыщт. Ежь-ежьырэу lоф ашlэу ахэм зыкъагъэлъэгъон фай. 

2020 илъэсым имэкъуогъу мазэ щегъэжьагъэу ежь-ежьырэу lоф зышlэхэрэм ателъытэгъэ хэбзэlахь гъэпсыкlэр Урысые Федерацием зэкlэ ишъолъырхэм ащагъэцакlэ. Унэе сатыушlэу затхыным ычlыпlэ мыр шlыкlэ lэрыфэгъу: ахъщэм пае псэуалъэ ищыкlагъэп, хэбзэlахьэхэмкlэ зэфэхьысыжь хэтэп, зыптхыныр псынкlэ дэдэу гъэпсыгъэ. Ежь-ежьырэу lоф зэзгъэгъотыхэрэм хэушъхьафыкlыгъэу хэбзэlахь аты - ар %4 фэдиз цlыф горэм ахъщэр къаритыгъэмэ, е %6 мэхъу хъызмэтшlапlэм ахъщэр къафигъэкlуагъэмэ, - къыщаlотагъ экономикэм ихэхъоныгъэкlэ ыкlи сатыумкlэ Адыгеим иминистерствэ. 

Ежь-ежьырэу lоф зэзгъэгъотэу 2020 илъэсым республикэм нэбгырэ мини 2,2 зыкъыщагъэлъэгъуагъ. Непэрэ мафэмкlэ фэдэ цlэ яlэу сатыушlын lофыр нэбгырэ мини 3,4 ехъумэ агъэцакlэ, - къыщыхагъэщыгъ министерствэм.