AdygBusiness                                                                    English   Адыгэ   Русский   עברית   عربي   Turkçe                                  Maykop -
 

Зекlо паркэу "Дахъо гъэхъунэ" Адыгэ Республикэм щашlынэу агъэнэфэ

Псэупlэу Дахъом дэжь зэпстэумкlи гектар 75 хъоу инвестиционнэу чlыпlэ щагъэпсыгъ.  Адыгэ Республикэм илlышъхьэу Къумпlыл Мурат Къэралыгъо Совет-Хасэм къыщишlыгъэ зэфэхьысыжьым ар къыщиlуагъ. 

Ащ игущыlэхэмкlэ, къушъхьэ гъэпсэфыпlэу Лэгъонакъэ загъэпсыкlэ ары ныlэп мы инвестиционнэ чlыпlэм къытырэ амалхэр агъэцэкlэнхэ залъэкlыщтыр. Зекlоным изакъоп, тиреспубликэ иэкономикэ ихэхъоныгъи мы проект иныр фэлэжьэщт. 

Бюджетым щымыщ инвестициеу  агъэнафэрэм ибагъэ сомэ млрд 23. Илъэсым федэу къытыжьыщтыр сомэ млрд 3,5 фэдизыщт. Республикэм ибюджет зэхэт ифедэ сомэ млн 400 хэхъощт, ащ епхыгъэ экономикэ лъэныкъохэм джыри миллиард ныкъо фэдиз федэу къахьыщт. Зэкlэмкlи lофшlэпlэ чlыпlэ мини 2 агъэпсыщт.