AdygBusiness                         News:   English   Адыгэ   Русский   עברית   عربي   Turkçe                                                Maykop -
 

Дахэ дэт зыгъэпсэфыпlэ-хьакlэщым сомэ млн 115-рэ халъхьэщт

Photo: trivago.ru

Адыгэ Республикэм икъушъхьэхэм зекlо-зыгъэпсэфыпlэм зыщиушъомбгъуным пае "Даховская слобода" инвестициехэмкlэ проект ыгъэцэкlэщт. Мылъкоу халъхьащтыр сомэ млн 115 хъущт. Экономикэм ылъэныкъокlэ политикэм исовет изэхэсыгъо ыуж республикэ пащэм ипресс-къулыкъу ар къыlопщыгъ. Къумпlыл Мурат пшъэрылъэу фишlыгъэм тетэу премьер-министрэу Геннадий Митрофановым ар зэрищагъ. 

Мы проектыр загъэцакlэрэм ыуж lофшlэпlэ чlыпlакlэу 45 агъэпсыщт, хэбзэlахьэхэр нахьыбэ хъущт. Зекlоным епхыгъэ фэlо-фашlэхэм ягъэцэкlэн идэгъугъэ хэхъощт. Ащ къыхэкlэу проектым мэхьанэ ин иlэу агъэнэфагъ, - къыщаlуагъ пресс-къулыкъум. 

Зекlонымкlэ зыгъэпсэфыпlэ хьакlэщэу «Даховская слобода» зыфиlорэр къуаджэу Дахэ (Даховскэ) дэт, ар 2008 илъэсым щегъэжьагъэу мэлажьэ. 2019 илъэсым жъогъуиплl зиlэ отелым ипсэупlэ кlэу номери 10 хэтэу агъэпсыгъ. 2023 илъэсым ыгузэгу нэс джыри зы отель жъогъуиплlэу номер 31 иlэу, коттеджэу 2, тlысыпlэ чlыпlи 100 хъурэ зыплъыхьапlэ зиlэ щхапlэ, есыпlэ зыхэт псыфабэхэр инвесторым ышlынэу игухэлъ.