AdygBusiness                         News:   English   Адыгэ   Русский   עברית   عربي   Turkçe                                                Maykop -
 

Мэкъумэщ къыдэгъэкlыжьыным дэлажьэхэрэм lэпыlэгъу афэхъущтых

Къэрэщэе-Щэрджэсым ипремьер-министрэу Озы Аслъан правительствэм изэхэсыгъо зэрищагъ ыкlи ащ упчlэ 22 щатегущыlагъэх. 

Фышъхьэ лэжьыгъэхэр къэзгъэкlыхэрэм хъызмэтым ыкlи ащ иlугъэкlын тырагъэкlуадэрэм иlахь Къэрэщэе-Щэрджэс Республикэм ибюджет щыщ мылъкукlэ аратыжьызэ ашlыным фэгъэхьыгъэ хэбзэгъэуцугъэм тегущыIагъэх. Правительствэм хэтхэм ащ дырагъэштагъ. 

Мэкъумэщ хъызмэтымкlэ КъЩР иминстрэу Бэташ Анзор къызэриlуагъэмкlэ, мэкъумэщ къыдэгъэкlыжьыным пылъхэм адэlэпыlэнхэм паекlэ мыр кlэу щыт. Фышъхьэ лэжьыгъэхэр къэзгъэкlыхэрэм ащ тырагъэкlуадэрэм иlахь республикэ бюджетным щыщэу аратыжьызэ ашlыщт. Ащ ипшъэрылъхэр, ишlыкlэхэр, унашъоу иlэхэр хэбзэгъэуцугъэм къегъэнафэх. 

Илъэси 3 щегъэжьагъэу 7 нэс зыныбжь кlэлэцlыкlухэм мэзапкlэу афагъэнафэрэм итын ишlыкlэщтыми министрэхэм дырагъэштагъ. Джащ фэдэу нэмыкl упчlэхэмкlи унашъохэр ащтагъ.